सोलापुरात रानभाजी महोत्सव दि.३१ ऑगस्टला
अस्सल सोलापुरी न्यूज नेटवर्क ||
सोलापूर : शेत-शिवारातील आरोग्य विषयक महत्वाची माहिती सर्वसामान्य नागरिरकांना व्हावी व उत्पादक ते ग्राहक अशी विक्री साखळी व्यवस्था बळकट करण्यासाठी कृषी विभाग व आत्मा यांच्या संयुक्त विद्यमाने दि. ३१ ऑगस्ट २०२४ रोजी सकाळी ९.३० वाजता डॉ. निर्मलकुमार फडकुले सभागृह, सोलापूर येथे रानभाजी महोत्सवाचे आयोजन करण्यात आले आहे, अशी माहिती आत्माचे प्रकल्प संचालक यांनी दिली. सदर महोत्सवाचे उदघाटन पालकमंत्री चंद्रकांत पाटील, जिल्हाधिकारी कुमार आशीर्वाद तसेच इतर मान्यवरांचे हस्ते करण्यात येणार आहे.
सोलापूर जिल्ह्यातील शेतक-यांनी त्यांचे शेतावरील रानभाज्या प्रदर्शन व विक्रीसाठी महोत्सवात आणाव्यात. सोलापूर शहर व नजीकचे नागरीक व ग्राहकांनी सदरच्या महोत्सवास भेट द्यावी. रानभाज्यांची खरेदी करावी. आरोग्यदायी रानभाजी महोत्सवाचा शेतकरी व नागरिकांनी लाभ घ्यावा, असे आवाहन कृषी व आत्मा विभागामार्फत करण्यात आले आहे.