सोलापुरात प्रधानमंत्री राष्ट्रीय शिकाऊ उमेदवारी भरती मेळावा

येत्या दि. १० फेब्रुवारीला महात्मा बसवेश्वर शासकीय औद्योगिक प्रशिक्षण संस्थेत आयोजन

अस्सल सोलापुरी न्यूज नेटवर्क ||

सोलापूर : महात्मा बसवेश्वर शासकीय औद्योगिक प्रशिक्षण संस्था, विजयपूर रोड, सोलापूर येथे दि. १० फेब्रुवारी २०२५ रोजी सकाळी १० वाजता आय.टी.आय., बारावी, डिप्लोमा आणि पदवीधर उत्तीर्ण प्रशिक्षणार्थ्यांसाठी प्रधानमंत्री राष्ट्रीय शिकाऊ उमेदवारी भरती (PMNAM) मेळाव्याचे आयोजन करण्यात आले आहे.

संचालक, व्यवसाय शिक्षण व प्रशिक्षण संचालनालय, मुंबई यांच्या आदेशानुसार जिल्यामामध्ये  प्रधानमंत्री राष्ट्रीय शिकाऊ उमेदवारी भरती (PMNAM) मेळाव्याचे आयोजन करण्यात आले आहे. तरी जिल्ह्यातील सर्व आस्थापना व पात्र प्रशिक्षणार्थी यांनी मेळाव्यास उपस्थित राहून या संधीचा लाभ घ्यावा, असे आवाहन मूलभूत प्रशिक्षण तथा अनुषंगिक सुचना केंद्र, द्वारा महात्मा बसवेश्वर शासकीय औद्योगिक प्रशिक्षण संस्थेचे सहाय्यक प्रशिक्षणार्थी सल्लागार एस.आर.भालचिम यांनी केले आहे.