नोकरी इच्छुक उमेदवारांसाठी जागेवर निवड संधी

प्रत्यक्ष मुलाखतीद्वारे उमेदवारांची निवड करणार

अस्सल सोलापुरी न्यूज नेटवर्क ||

 सोलापूर  : जिल्हा कौशल्य विकास, रोजगार व उद्योजकता मार्गदर्शन केंद्र, सोलापूर येथील मॉडल  करीअर सेंटर येथे शुक्रवार दि. २५  एप्रिल २०२५ रोजी सकाळी ११ ते दुपारी २ यावेळेत जिल्हा कौशल्य विकास, रोजगार व उद्योजकता मार्गदर्शन केंद्र, नॉर्थ कोट, पार्क चौक, सोलापूर येथे नोकरी इच्छुक उमेदवारांसाठी  “जागेवर निवड संधी”  चे आयोजन करण्यात येणार आहे.  सदर “जागेवर निवड संधी” (PLACEMENT DRIVE) मध्ये जिल्ह्यातील किया  मोटर्स सोलापूर आणि  किरण एन्टरप्राईसेस, सोलापूर हे उद्योजक सहभागी होऊन, प्रत्यक्ष मुलाखतीद्वारे उमेदवारांची निवड करणार आहेत. या “जागेवर निवड संधी” (PLACEMENT DRIVE) मध्ये आय. टी. आय. प्रकारच्या शैक्षणिक पात्रता धारक उमेदवारांना जागेवर नोकरीची संधी उपलब्ध होणार आहे.

नोकरी इच्छुक उमेदवारांनी अद्यापपर्यंत नोंदणी केली नसल्यास www.rojgar.mahaswayam.gov.in या संकेतस्थळावर नोंदणी करावी.  लॉगीन करुन शैक्षणिक पात्रतेनुसार उपलब्ध रिक्तपदांसाठी अर्ज करावे. वरील ठिकाणी उपस्थित राहून प्रत्यक्ष मुलाखती द्यावेत.  तसेच www.ncs.gov.in या वेबसाईटवर जास्तीत जास्त उमेदवांनी सहभाग नोंदवावत या संधीचा लाभ घ्यावा. अधिक माहितीसाठी (०२१७-२९९२९५६)  या क्रमांकावर संपर्क साधावा.

तरी इच्छूक उमेदवारांनी नोंदणी प्रक्रिया पूर्ण करून रोजगाराच्या सुवर्ण संधीचा लाभ घ्यावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्र, सोलापूरचे  सहायक आयुक्त संगीता खंदारे यांनी केले आहे.