पोलिसांनी आपल्या आरोग्याची वेळेवर काळजी घेतली पाहिजे – डॉ. तावशीकर
त्वचा अन दंत तपासणी शिबिराला पोलिसांचा उत्स्फूर्त प्रतिसाद
By assal solapuri||
सोलापूर : सततच्या ताण तणावातील जीवनात पोलीस आपल्या आरोग्याकडे दुर्लक्ष करतात त्यामुळे अनेक आजाराला सामोरे जावे लागते म्हणूनच पोलीसांनी वेळोवळी आपल्या शरीराची आणि आरोग्याची काळजी घेतली पाहिजे असे प्रतिपादन डॉ.सुनिल तावशीकर यांनी केले. कॉसडेव्हिल फार्माक्युटीकल आणि कॉस्मोक्युअर क्लिनिक यांच्यावतीने सोलापूर शहर पोलीस मुख्यालयात पोलिसांसाठी त्वचा, दंतरोग आणि पोटाच्या विकाराची मोफत तपासणी घेण्यात आली, त्यावेळी ते बोलत होते. यावेळी राखीव पोलीस निरीक्षक शरद बारावकर, पोलीस मुख्यालयातील हॉस्पिटलचे डॉ.दिगंबर गायकवाड, कॉसडेव्हिल फार्माक्युटीकलचे श्रीकांत सदाफुले यांची प्रमुख उपस्थिती होती.
सोलापूर: कॉसडेव्हिल फार्माक्युटीकल आणि कॉस्मोक्युअर क्लिनिक यांच्यावतीने सोलापूर शहर पोलीस मुख्यालयात पोलिसांसाठी त्वचा, दंतरोग आणि पोटाच्या विकाराची मोफत तपासणी घेण्यात आली. त्याप्रसंगी तपासणी करताना डॉक्टर दिसत आहेत.
प्रारंभी श्रीकांत सदाफुले यांनी प्रास्ताविक केले. त्यामध्ये आरोग्य शिबिराच्या आयोजनाची माहिती दिली. त्यानंतर डॉ. सुनिल तावशीकर यांनी उपस्थित पोलीस अधिकारी कर्मचार्यांना दाताची आणि त्वचेची काळजी कशी घ्यावी याबाबत मार्गदर्शन केले. डॉ. पुजा तावशीकर आणि डॉ. सुनिल तावशीकर, डॉ. विवेक कांबळे, डॉ.श्रुती गावित, डॉ. वैष्णवी डॉ.शुभांगी,डॉ.सुहाना दफेदार यांनी पोलीस अधिकारी कर्मचार्यांच्या त्वचा, दात आणि पोट या अवयवाची तपासणी करून निरोगी राहण्यासाठी मार्गदर्शन केले. या शिबिरात मोठ्यासंख्येने पोलीस अधिकारी कर्मचार्यांनी तपासणी करून घेतली. पोलीस मुख्यालयात झालेल्या या शिबीरासाठी पोलीस उपायुक्त अजित बोराडे, पोलीस निरीक्षक उदय पाटील, श्रीधर सदाफुले, राखीव पोलीस निरीक्षक शरद बारावकर यांच्यासह कॉसडेव्हिल फार्माक्युटीकल कंपनीचे मोठे सहकार्य लाभले.