जवाहर नवोदय विद्यालय निवड चाचणीसाठी ऑनलाईन अर्ज करा

 इयत्ता सहावीसाठी १६ सप्टेंबरपर्यंत मुदत : जिल्हाधिकारी कुमार आशीर्वाद

अस्सल सोलापुरी न्यूज नेटवर्क ||

सोलापूर : केंद्रीय शिक्षण मंत्रालय अंतर्गत नवोदय विद्यालय समितीच्यावतीने संपूर्ण देशभरात इयत्ता सहावीमधील प्रवेशासाठी जवाहर नवोदय विद्यालय निवड चाचणी २०२५ घेण्याचे नियोजित आहे. यासाठी सोलापूर जिल्ह्यातील इच्छुक विद्यार्थी व त्यांच्या पालकांनी दि. १६ सप्टेंबर २०२४ पर्यंत www.navodaya.gov.in या संकेतस्थळावर नोंदणी करावी, असे आवाहन जिल्हाधिकारी कुमार आशीर्वाद यांनी केले आहे.

निवड चाचणीद्वारे विद्यार्थ्यांना जवाहर नवोदय विद्यालयात प्रवेश दिला जातो, जो विद्यालयाच्या व्यवस्थापनातील सर्वात महत्वाचा पैलू आहे. एकूण २५ लाखपेक्षा अधिक उमेदवारांनी गेल्या वर्षी जवाहर नवोदय विद्यालय निवड चाचणी इयत्ता सहावीसाठी नोंदणी केली होती. यावर्षी जवाहर नवोदय समितीला त्या संख्येत किमान १० टक्के वाढ होण्याची अपेक्षा आहे. निवड चाचणीसाठी उमेदवार हे दुर्गम भागातील जिल्ह्यांतून येतात. सोलापूर जिल्ह्यातील जास्तीत जास्त विद्यार्थ्यांना ऑनलाईन परीक्षेची माहिती होण्यासाठी जिल्हा परिषदेच्या माध्यमिक शिक्षण विभागाने पुढाकार घ्यावा, असेही जिल्हाधिकारी आशीर्वाद यांनी सुचित केले आहे.

इयत्ता सहावीसाठी जवाहर नवोदय विद्यालय निवड चाचणी २०२५ ची नोंदणी www.navodaya.gov.in वर एनव्हीएस वेबसाइटद्वारे करता येणाऱ्या पोर्टलचा वापर करून ऑनलाईन केली जात आहे. अर्ज सादर करण्याची अंतिम मुदत दि. १६ सप्टेंबर २०२४ आहे. परीक्षा एजन्सीशी सल्लामसलत करून, चाचणीचे वेळापत्रक निश्चित केले जाते. या संदर्भात  शनिवार, दि. १८ जानेवारी २०२५ उन्हाळ्यात जाणाऱ्या जेएनव्हीएससाठी आणि शनिवार, दि. १२ एप्रिल २०२५ रोजी इयत्ता सहावी जेएनव्हीएस- २०२५ आयोजित करण्यासाठी अधिसूचना जारी केली जाते, असे नवोदय विद्यालय समितीच्यावतीने कळविण्यात येत आहे.

जवाहर नवोदय विद्यालय निवड चाचणी २०२५ साठी सोलापूर जिल्ह्यातील जास्तीत जास्त विद्यार्थ्यांनी तसेच त्यांच्या पालकांनी उपरोक्त दिलेल्या संकेतस्थळावर विहित मुदतीत ऑनलाईन नोंदणी करावी, असे आवाहन जिल्हाधिकारी आशीर्वाद यांच्याकडून करण्यात येत आहे.