अन्न व औषध विभागाकडून मोठी कारवाई
By assal solapuri||
सोलापूर : अन्न व औषध विभागाने बार्शी येथे विविध ठिकाणी टाकलेल्या धाडीत ३५ गुटख्याच्या पोतींसह सुमारे २६ लाख १२ हजार रुपये किमतीचा अन्नसाठा जप्त केला आहे.
- बार्शी तालुक्यातील कोरफले येथे अन्न व औषध विभागातील पथकाने नेताजी तानाजी बरडे यांच्या घरासमोर उभ्या असलेल्या महिंद्रा पिकअप (एमएच-१२ एलटी-९८५३) व महिंद्रा पिकअप (एमएच-१३ एएन-३९५५) ही दोन्ही वाहने संशयरित्या थांबल्याचे सदर पथकाच्या निदर्शनास आले.
- त्यानंतर सदर पथकाने दोन्ही वाहनाची तपासणी केली असता १६ लाख १२ हजार ८०० रूपये किमतीच्या बादशहा गुटखा या प्रतिबंधित अन्न पदार्थाच्या एकूण ३५ पोती आढळून आल्या. तसेच महिंद्रा पिकअपमध्ये (एमएच-१२, एलटी ९८५३) ५ लाख रुपये व महिंद्रा पिकअपमध्ये ( एमएच-१३ एएन-३९५५) ५ लाख रुपये असे एकूण एकत्रित किंमत २६ लाख १२ हजार ८०० रुपयांचा मुद्देमाल आढळून आला.
- सदर प्रकरणी अन्न सुरक्षा अधिकारी रेणुका पाटील यांनी पुढील कारवाई कारवाई केली. बार्शी तालुका पोलिस स्टेशन येथे रात्री उशिरापर्यत फिर्याद दाखल करण्याचे कामकाज चालु होते. उपरोक्त प्रतिबंधित अन्न पदार्थाच्या वाहतुकीसाठी वापरण्यात आलेले वाहन जप्त करून ताब्यात घेण्यात आलेले आहे.
दक्षता विभागाचे सह आयुक्त डॉ.राहुल खाडे यांच्याकडून प्राप्त गोपनीय माहितीच्या अनुषंगाने पुणे विभागातील विशेष भरारी पथकाचे सहायक आयुक्त देसाई यांना तत्काळ बार्शी येथे जाण्यास सांगितले. त्यावरून देसाई हे सर्व अन्न सुरक्षा अधिकारी रेणुका पाटील, नंदिनी हिरेमठ व उमेश भुसे यांच्यासह सदरची कारवाई दक्षता विभागाचे सह आयुक्त डॉ.राहुल खाडे यांच्या मार्गदर्शनाखाली विशेष भरारी पथकाचे सहायक आयुक्त देसाई, अन्न सुरक्षा अधिकारी रेणुका पाटील, नंदिनी हिरेमठ व उमेश भुसे यांच्या पथकाने पुर्ण केली. असे अन्न व औषध प्रशासनचे सहाय्यक आयुक्त देसाई यांनी सांगितले.